Për 12 orë shiten mbi 200.000 iPhone 4S

​

Kur gjatë javës së kaluar, Apple prezantoi modelin e ri të iPhone, 4S, shumë njerëz të cilët ishin në pritje të iPhone 5, dukeshin të zhgënjyer me njoftimin e Apple.

Mirëpo, me sa duket, fansat e vërtetë të Apple nuk ndihen kështu, pasi që operatori mobil amerikan, AT&T thotë se ka marrë më shumë se 200,000 porosi për modelin e ri të iPhone, dhe e gjithë kjo ka ndodhur për vetëm 12 orë.

Për më shumë, thuhet se kërkesa e njëjtë është duke u përsëritur edhe në Apple, si dhe tek operatorët mobil në Mbretërinë e Bashkuar.

Disa mediet të njohura britanike e kanë konfirmuar këtë kërkesë të jashtëzakonshme, me operatorët e tyre mobil, të cilët thonë se sasia e tyre tashmë është porositur në tërësi, ndërsa përdoruesit e tyre presin që telefonat e blerë t’i marrin me 14 tetor.

Me këto lëvizje në treg, pritet që kërkesa për iPhone 4S ta tejkalojë edhe atë për modelin paraprak, iPhone 4. / Telegrafi /

 

nuk osht 8GB po 16 edhe 299$ osht me kontrat per 2 vjet.

 

Shitjet e iPhone 4S arrijnë në 1 milion

​

Ndoshta për kritikët dhe vëzhguesit me përvojë të kësaj industrie mund të duket si një model i vitit të kaluar, por kjo nuk ka ndalur iPhone që të shitet me të madhe.

Apple gjatë ditës së sotme ka bërë të ditur se para-porositë për iPhone 4S kanë arritur të tejkalojnë shifrën prej 1 milion brenda një dite të vetme. Rekordi i mëhershëm ka qenë i ndërlidhur me iPhone 4, i cili ka shitur 600,000 njësi brenda një dite të vetme.

Një procesor dyfish më i shpejt, kamera dhe teknologjia për kontrollim më zë janë sigurisht disa prej elementeve më të rëndësishme të produktit të Apple që kanë luajtur pjesën e tyre në këtë mes. Gjithashtu edhe mundësia për ta blerë telefonin tek tre operatorët e mëdhenj mobil të SHBA’s, ka pasur edhe ndikim shtesë.

Para-porositë për Apple iPhone 4S kanë filluar me 7 tetor dhe paraqitja e tij në treg sigurisht se do të bëhet me 14 tetor. /pcworldalbanian