Probleme me matematikën?! Ju ndihmon aplikacioni i ri ©

Imagjinoni se sa të lehta do të ishin ditët tuaja në gjimnaz nëse do të kishit aplikacionin "PhotoMath". Gjithçka që duhet të bënit, është t’i shkrepnit një foto problemit tuaj matematikor duke përdorur kamerën e telefonit, dhe përgjigja do të dilte direkt në ekran. Aplikacioni i zgjidh problemet me numrat dhjetorë dhe fraksionet, shprehjet aritmetike, fuqitë dhe rrënjët, si dhe ekuacione të thjeshta.

Ky aplikacion mund të shkarkohet falas në Windows Phone Store dhe Apple App Store. Përdoruesve të pajisjeve Android do t’u duhet të presin deri vitin tjetër për të shkarkuar aplikacionin PhotoMath



Kompania e cila ka krijuar këtë aplikacion, MicroBlink, është edhe shpikësja e teknologjisë PhotoPay. Bëni një foto faturës duke përdorur kamerën e telefonit, dhe paratë do të merren direkt nga banka për të paguar faturën. Kjo teknologji është licencuar nga 14 banka në Evropë.

Duhet të theksojmë se aplikacioni PhotoMath funksionon vetëm me ekuacionet që gjenden tek librat e printuar, dhe ju tregon të gjitha hapat e zgjidhjes së një problemi aritmetik.

PhotoMath është një ëndërr e bërë realitet për të gjithë ata që e urrejnë matematikën, ose që mendojnë se kanë punë më të rëndësishme për të bërë se sa të merren me zgjidhjen e ekuacioneve. Klikoni në videon e mëposhtme për të parë se si funksionon ky aplikacion, citon "Krokodili".

[youtube]http://www.youtube.com/watch?v=XlbVB50mIh4[/youtube]